Vorráðstefna Corus: Mannauður í mótun

Dröfn Guðmundsdóttir, framkvæmdastjóri Corus, opnar ráðstefnuna.

Ægir Viktorsson, Director of Business Support hjá Bláa Lóninu fer yfir áhugaverð verkefni sem eru í vinnslu hjá fyrirtækinu ásamt því að snerta á reynslu þeirra af Kjarna mannauðs- og launakerfi.

Allt er hægt, bara ef þú trúir á það. Brynjar fjallar um stafræna umbreytingu hjá Isavia og hvernig tengingar milli kerfa hafa einfaldað ferla og dregið úr handvirkri skráningu.

Þá mun hann einnig gefa innsýn í hvernig hann hefur nýtt gervigreindartólið Claude til að skapa snjallar og áhrifaríkar lausnir.

Hvernig tryggjum við að mannauðsgögn okkar komist ekki í rangar hendur? 

Í heimi gervigreindar þar sem við erum sífellt að leita leiða til að einfalda okkur lífið með snjöllum lausnum aukast bæði tækifæri og áhættur.

Guðrún Valdís Jónsdóttir, forstöðumaður ráðgjafasviðs Syndis og Eva Demireva, mannauðsstjóri Syndis, fara yfir helstu áskoranir og hagnýtar leiðir til að vernda mannauðsgögn í síbreytilegu tækniumhverfi.

Léttar veitingar og tengslamyndun

Halla fer yfir spennandi vegferð Kjarna á næstu misserum. Hvað er á döfinni í vöruþróun og hvaða nýjungar munu einfalda vinnudaginn okkar.

Tökum púlsinn á fólkinu okkar. Hvernig getum við betur skilið líðan og upplifun starfsfólks? Davíð fjallar um mikilvægi reglulegra mælinga og hvernig innsýn í gögn getur hjálpað fyrirtækjum að bregðast fyrr við og styðja betur við starfsfólk sitt.