Myndrænt skipurit, matseðill dagsins og nýr öryggiseiginleiki í ráðningum í júní útgáfu Kjarna

Myndrænt skipurit á Kjarnavef

Notendur geta nú séð skipurit fyrirtækisins á sjónrænan hátt í vefviðmóti Kjarna, leitað að einstaklingum og grafið sig upp eða niður í skipuritinu, svipað og þekkist úr Microsoft Teams. Beint úr skipuritinu er hægt að stofna og viðhalda fyrirtækjum, skipulagseiningum og stöðum, sem einfaldar daglega umsýslu til muna.

 

Matseðill dagsins - í snjallforriti Kjarna

Starfsfólk getur nú skoðað matseðil dagsins og komandi daga beint í snjallforriti Kjarna. Hægt er að tengja mismunandi matseðla við mismunandi mötuneyti og ef kveikt er á skráningu í mat getur starfsfólk skráð sig beint úr matseðlinum. Snjallforritið man hvaða mötuneyti starfsmaður hefur valið, svo upplifunin er einföld og þægileg.

 

Launavinnsla - nákvæmari og sveigjanlegri

Nokkrar endurbætur hafa verið gerðar á launavinnslu:

· Nýtt athugasemdasvæði í launaskráningu gerir notendum kleift að skrá texta við einstakar launalínur.

· Birting álags á launaseðlum hefur verið bætt.

· Villuboð við útreikninga eru skýrari en áður.

· Hægt er að slökkva á kostnaðarskiptingu niður á verk í launasamþykkt hjá þeim viðskiptavinum sem þurfa á því að halda.

 

Nýtt spjald fyrir séreignarsjóð

Starfsfólk sem gegnir fleiru en einu starfi greiðir almennt í sama séreignarsjóðinn. Á nýju spjaldi er nú hægt að skrá séreignarsjóðinn á einum stað og láta það gilda fyrir öll störf starfsmannsins - þægilegra, fljótlegra og án tvískráningar.

 

Frammistöðumat - aukinn sveigjanleiki

Frammistöðumat á Kjarnavef hefur verið endurbætt enn frekar:

· Nú er hægt að tengja frammistöðumat við heilt fyrirtæki, nokkrar skipulagseiningar eða allar í einu, í stað þess að þurfa að tengja hvert og eitt sérstaklega.

· Framkvæmdaraðili erfist sjálfkrafa af skipulagseiningu, sem dregur úr handvirkri vinnu.

· Aðgangsstýringu fyrir framkvæmdaraðila sem eru ekki yfirmenn hefur verið bætt við.

 

Viðvera og tímaskráning

Viðverukerfið hefur fengið nokkrar mikilvægar endurbætur:

· Nú er hægt að taka tímaútreikninga út í Excel, bæði fyrir einn starfsmann og alla.

· Stuðningur við Yfirvinnu 1 og Yfirvinnu 2 hefur verið bættur til að mæta þörfum viðskiptavina sem þurfa mismunandi yfirvinnureglur.

· Nú er hægt að stilla kerfið þannig að yfirvinna reiknist ekki fyrr en fullri vinnuskyldu hefur verið náð - mikilvæg breyting fyrir hlutastarfsfólk.

 

Ráðningar - nýr öryggiseiginleiki

Nú er hægt að merkja umsækjendur með viðvörunarfána þegar ástæða er til að gæta varúðar í ráðningarferlinu. Merkingin birtist í öllum viðeigandi listum og yfirlitum og tekur tillit til persónuverndar með gildistíma. Almennri leit hefur einnig verið bætt við umsóknalista.

 

MyTimePlan tengingin: Minni handskráning, réttari gögn

· Breytingar á vinnufyrirkomulagi í Kjarna uppfæri vinnuskyldu í MTP. Hingað til hefur sjálfgefin vinnuskylda farið yfir í MTP við stofnun starfsmanns. Nú er komin leið til að mappa þetta saman á milli kerfanna út frá vinnufyrirkomulaginu - dagvinnu, tímavinnu eða vaktavinnu - svo starfsmaðurinn lendir á réttri vinnuskyldu strax.

· Flytja launafjárhæðir í MTP beint úr launatöflunni. Nýr hnappur, „Flytja launafjárhæðir í MTP“, er nú aðgengilegur í launatöflum. Hnappurinn kallar fram skýrsluna svo notendur geti yfirfarið fjárhæðirnar áður en þær eru sendar.

· Endadagsetning fylgir vinnuskyldu strax. Þegar starfsmaður er stofnaður með tímabundinni ráðningu fer lokadagsetningin nú beint yfir í MTP við stofnun.

· Skýr melding þegar starfsmaður er læstur í MTP. Ef reynt er að vista gögn á starfsmann eða tímabil sem er læst í MTP kemur melding um það í Kjarna.

· Lagfæring: starfsmaður stofnaðist tvisvar sem notandi í MTP ef tvær færslur voru stofnaðar í TIF í sömu aðgerð. Þetta hefur nú verið lagfært svo hann stofnast bara einu sinni.

 

Ýmsar smærri viðbætur

Ýmsar smærri en þægilegar viðbætur eru einnig hluti af júní útgáfunni. Má þar nefna:

· Hætt starfsfólk er nú litakóðað í starfsmanna- og launamannatré.

· Spjöld sem eru ekki með upplýsingar eru sérstaklega aðgreind svo notendur sjái strax stöðu mála.

· Athugasemdasvæði hefur verið bætt inn í fjölda starfsmannaspjalda til að auðvelda skráningu og samskipti.

 

Samþættingar og tæknilegar endurbætur

· Swagger skjölun hefur verið útvíkkuð og gefur viðskiptavinum greiðari aðgang að API-skjölun.

· Villuskilaboð frá viðskiptabönkum í launagreiðslum hafa verið bætt til muna.

· Nýr endapunktur hefur verið útfærður fyrir Gagnalón Sambands íslenskra sveitarfélaga.